猪唛香水鱼未执笠之前日日都要去荡几嘴菜街，今日跟大家讲讲荡菜街个见闻。
去菜街经常见到卖菜佬围一堆堆开赌；密十、三公、抓摊，边头仲有几只大耳窿放数。一般看到赌注大、摊大个就系猪肉佬做庄，赌注细、摊细个就系青菜佬做庄，哦呵，总之热闹哦，一只二只菜都冇卖走去围赌埄赌，嘈天巴闭到：“一二角稳托托、一二三角有得搏，三边三边、公一公，电视机电视机、粘宝、挂角、密十过后系春天、重注一铺、我双！又密十、石狮子都流泪哦”！“老板卖菜哦”“冇得闲，你自己称哦，称了自己扫二维码付款，输紧钱仲卖咩菜，准备连菜汁都冇有哦！”碰到警察来捉赌阿走撒屎去，捉啲钱到处收，收落鸡笼底、脚板底、底裤、文胸，冇走得赢个着捉到反牙牙到：“你边只眼看到我赌钱啊？我行跟啲过，去屙虽都着捉啊？”有只卖菜婆着捉了打电话比老公：“老公，我赌钱着捉了，你快啲搬钱过派出所赎我”“喊你卖菜做工你又讲脚麻腰骨痛，阿去赌钱呢勾几日都某见脚麻，赌天光都冇见你腰痛，冇有钱赎你，留你着愠到明年去”“鬼打你，你冇来赎我都得，反正边人来赎我我就跟边人回屋！”
又有一帮专门研究十二生肖个，天未光未摆好摊就搬到堆报纸、老鼠报、笔记簿开始研究，拍大腿“啪啪”声响：“呐！我都讲昨晚开牛呢，你地硬冇信，死咯，老鼠报讲得几准哦，有角个，咁子都冇识买喂，几颓哦！鬼打你哦，你地硬讲系龙，害我又信你地窝，条龙买了几期都冇中，真系拗颈哦！”“阿姨快啲秤威，你帮我秤了菜正研究得冇？”称了菜，一斤八两：“呐！今晚就单挑１８哦，冇信仲未出，保证一码中特！”
行到豆芽摊，豆芽阿姨喊立乱去：“今日轮到我未？轮到我未？过来威，帮趁一嘴威！”
行到卖猪红鸭红摊，有人问：“威？啲猪红冇咩够红够新鲜那，系真个冇？如今卖咩都有假个”“仲未够红啊？都红过一只月来沉你一次个亲戚啰！”
买猪肉猪杂一般都系固定去买熟买惯个摊把两摊买，“喂？黄妹走去边了？今日咁好卖啊？咁早就收摊了？中午就冇见人了那？”隔离摊只猪肉婆大大声讲：“卖齐几条猪鞭，电话阿响冇收摊回去睡觉了咩！啱啱结婚嘢你计阿中冇瘾！”
好多人去买虾蟹都冇识同点拣，饲料虾又以为系大海虾，只虾头仲黑过锅督，蟹呢又冇识拣到肥个，喊卖蟹个帮你拣肯定冇会拣肥个比你，你计癫个咩，拣肥个比你留瘦个卖啊？牛拉去买蟹着军了几嘴拉尾学精了：“阿姨，今晚啲蟹肥冇？”“肥啊，同你咁肥哦！“阿我想买几只蟹回去煲粥，你帮我拣几只瘦个甜个多水个威！”阿姨高兴哦：“哎呀，靓仔你真系识嘢哦，瘦蟹煲粥世间甜个！”，缅到嘴偷笑拣了一堆水蟹出来：“咁多得未？”“阿姨，如今捻捻又冇想煲粥了，我想食杂做个，帮我称另外个堆哦！”“识崩你啰，个次剩个几只水蟹同点卖作！”
买牛肉又系一样，好多人某冇拣到好食个nun（软）个牛肉，牛肉佬都系帮你拣啲打水个韧个比你，仲一边卖一边讲：“大家边啲人啊，都系钦州街个，冇可能军你个呢，买了回去阿见好食个下次记得又来帮趁窝！”阿买了回去当食胶擦锦子，咬得牙教都勒去，下次仲帮趁讲，下一世都冇去哦！
菜市门口路边摆个摊多数系市场里头担出来个，一般扮成村佬个铺版头军人，卖青菜个呢就粒到裤脚一边高一边低，作啲拌捺落脚捺落裤去：“嘀青菜自己种个哇，今朝正炆出来个，仲臭虽*采。”
卖鱼个呢就作自己片面搞得黑黑，戴到顶笠帽，稳枚钓捺采鱼嘴角，讲系自己天未光出海钓个，阿冇就放几条草在边头，讲系装笼个，野生个，总之好卖哦！
卖鸡个呢就脱到脚，脚指肋（lie）仲粘有鸡屎：“个啲鸡系我地自己在村头养个哇，冇喂饲料个，捉两笼出来准备卖齐哦，仲剩三只嘢，识买就买哦”大家含含声抢做个，阿间卖齐了又落里头担多两笼出来摆。
菜街有几只残疾乞儿经常坐在地底乞食，断手断脚流血流口水好凄凉个，挂到对音箱开啲好凄凉个歌：“（歌词）离家的孩子，流浪在外边，没有那好衣裳，也没有好烟，好不容易找份工作辛勤把活干，心里头淌着泪，脸上流着汗。离家的孩子夜里又难眠，想起了远方的爹娘泪流满面，春天已百花开秋天落叶黄，冬天已下雪了，你千万别着凉！”
唉！真系闻者伤心，听者流泪哦！唔唔唔！所以大家买菜经过都会经常丢啲散纸落锑攀比佢地。
狗肉东系钦州街知名爱心人士，有阿日狗肉东穿得身光颈靓行跟啲过看到咁凄凉想都某想就斋了一球水落锑攀去，边头围观群众拍手含含，抹眼泪罢罢到，感动哦！狗肉东斋了钱就勾落来细细声跟只乞儿讲：“我今日冇袋散纸，你补九十九蚊还我威，冇够钱买菜了。”围观群众马上散齐去：“丢”“双！”！
四城联创时，城监工作人员要整顿秩序，去菜街派发传单，发比卖青菜个阿姨，阿姨大大声反：你癫个哇！发嘀嘢俾我做咩？我边识睇？我识字呢冇使在啲摆地摊卖青菜啰！”
自从猪唛香水鱼执笠之后，好耐都某得去过菜街了，以前一日去几次，跟嘀阿姨熟齐去，好心阿姨经常牵到我手争到喊帮我介绍男朋友，卖咸鱼阿姨仲喊摞我回屋做辛普，虽然菜街又臭又腥又湿又邋遢，但我永远怀念菜街个股味道，怀念菜街个嘈天巴闭，怀念牵我手捏我手争嘀成家婆妈个卖咸鱼阿姨跟所有喊帮介绍男朋友个好心阿姨们！祝你地身体健康，生意兴隆，财源滚滚！
来源：猪唛
更多详情，链接可见
,
